ԵՐԵՎԱՆ, 8 նոյեմբերի – Sputnik. ՀՀ կոտայքի մարզի Ջրվեժ համայնքում բախվել են Mercedes, BMW և Nissan March մակնիշի ավտոմեքենաները։ Դեպքը տեղի է ունեցել երեկ՝ նոյեմբերի 7-ին, ժամը 23:00-ի սահմանում:
Ինչպես հայտնում է shamshyan.com–ը, 1 մարդ տեղում մահացել է, իսկ 1–ին էլ տեղափոխել են Սուրբ Գրիգոր Լուսավորիչ բժշկական կենտրոն:
Փրկարարները հոսանքազրկել են ավտոմեքենաները, փակել գազաբալոններն ու սահմանազատել տարածքը:
Բախման հետևանքով BMW-ն էլ բախվել է հաստաբուն ծառին:
Ոստիկանությունն ու քննչական բաժինը պարզում են մահացածի, վարորդների և վիրավորի ինքնությունը: