Եթե դուք մտածում եք, որ հայկական ավանդական լավաշից կարելի է միայն համեղ բրդուճ պատրաստել, ապա շատ եք սխալվում։ Հայկական լավաշով կարելի է նաև աղանդեր պատրաստել։ Համենայն դեպս հենց դա ցույց տվեց Հայաստանում Էդվին Սմոանգը` «Restaurant One» ռեստորանի տերը, որը, ի դեպ, «Միշլենի» աստղ ունի։
Հոլանդացի շեֆը Երևան է եկել Yerevan Food Fest փառատոնին մասնակցելու համար և Sherep ռեստորանին նվիրել աղանդերի բաղադրատոմս, որի հիմքում հենց լավաշն է։
Փառատոնի շրջանակում նոր կիրառում են ստացել նաև հայկական ավանդական այլ մթերքները։
Կազմակերպիչները վստահ են, որ փառատոնն իսկական հեղափոխություն է արել երկրի խոհարարական ոլորտում։
Դիտեք ֆոտոշարքում, թե արտասահմանյան վարպետների հմուտ ձեռքերն ինչ ուտեստների են վերածել հայկական մթերքը։