Նոյեմբերին 6-ին ԱՄՆ օրենսդիր մարմնի ընտրություններն են։ Հայամետ մի քանի կոնգրեսականներ` ԱՄՆ Կոնգրեսի հայկական հանձնախմբի նախագահ Դավիդ Տրոտտը, հանձնախմբի անդամներ Չարլի Դենթը, Իլենա Ռոս-Լեհտինեն, Նիկի Թսոնգասը, հայտարարել են, որ չեն մասնակցելու ընտրություններին։ Sputnik Արմենիայի հետ զրույցում, վերլուծելով ստեղծված իրավիճակը, քաղաքագետ Սուրեն Սարգսյանը նշել է, որ Հայաստանի դիրքերը Կոնգրեսում կարող են թուլանալ։
«Բայց հույս ունեմ, որ մեր համայնքը բավական ակտիվ կաշխատի այս ուղղությամբ, որպեսզի դա տեղի չունենա, և Կոնգրեսի փոփոխություններից հետո, ինչպիսի դասավորվածություն էլ այնտեղ լինի, հայկական հանձնախումբը նորից ձևավորվի և ակտիվ շարունակի աշխատել` ներկայացնելով հայ համայնքի շահերը»,– ասել է Սարգսյանը։
Քաղաքագետը նաև շեշտեց, որ Նևադա նահանգից ընտրությանը մասնակցող Դենի Թարխանյանին իր աջակցությունն է հայտնել ԱՄՆ նախագահ Թրամփը։