ԵՐԵՎԱՆ, 3 նոյեմբերի – Sputnik. Արագածոտնի մարզի Արագած գյուղի «Արագած» ամբուլատոր կայանի բակում նույն գյուղի 3 բնակիչներ հարձակվել են Երևանի բնակիչ, նշված ամբուլատոր կենտրոնի բժիշկ, 46-ամյա Հովսեփ Այվազյանի վրա, երբ բժիշկը ավտոմեքենայի մեջ փորձել է հիվանդին օգնություն ցուցաբերել: Այս մասին հայտնում է shamshyan.com–ը։
Ըստ կայքի` դեպքը տեղի է ունեցել նոյեմբերի 1-ին, ժամը 11:00-ի սահմանում։
Նրանք բռունցքներով ու ոտքերով հարվածել են Հ. Այվազյանին, հետո հարվածներ են հասցրել դեղատան տնօրեն, 44-ամյա Սեդա Ալավերդյանին:
Կայքի տեղեկություններով՝ Ապարանի ոստիկանները պարզել են, որ հարձակվողներն են Կարոն, Արտակը և Բաբկենը, որոնց ամբողջական տվյալները պարզում են:
Փաստի առնչությամբ նյութեր են նախապատրաստվում ոստիկանության Ապարանի բաժնի հետաքննչական բաժանմունքում։