ԵՐԵՎԱՆ, 2 նոյեմբերի — Sputnik. Ամստերդամի իշխանությունն առաջարկել է հասարակաց տները կարմիր լապտերների թաղամասից տեղափոխել, որովհետև բազմաթիվ զբոսաշրջիկները խանգարում են սիրո քրմուհիների աշխատանքին։ Այս մասին հայտնում են հոլանդական պարբերականները։
Զբոսաշրջիկների կուտակումները, Դե Վալլեն թաղամասում տեսախցիկներով շրջող եկվորների անհարգալից պահվածքը խանգարում են մարմնավաճառներին։ Հնագույն մասնագիտությամբ զբաղվողները նախկինում էլի են դիմել քաղաքապետարան` խնդրելով իրենց համար ավելի հարմար վայր գտնել։
Իշխող կոալիցիայի երեք կուսակցությունները, որոնք ընդգրկված են քաղաքային խորհրդում, համաձայնել են կատարել կանանց պահանջը։ Ամստերդամի առաջին կին ղեկավար Ֆեմկե Հալսեման արդեն պայմանավորվել է «գիշերային թիթեռնիկների» հետ։ Նա ժամանակավորապես արգելել է հասարակաց տների աշխատանքը, որպեսզի կոմունալ ծառայությունները կարողանան հավաքել աղբը։
Ամեն տարի Ամստերդամ է այցելում մոտ 18 մլն զբոսաշրջիկ, այս ցուցանիշն ավելի մեծ է, քան Նիդեռլանդների ամբողջ բնակչությունը։