ԵՐԵՎԱՆ, 1 նոյեմբերի — Sputnik. Ազգային ժողովը երկրորդ անգամ Նիկոլ Փաշինյանին չընտրեց վարչապետի պաշտոնում: Սահմանադրության համաձայն՝ իրավունքի ուժող Վեցերորդ գումարման Ազգային ժողովն արձակվելու է:
Նրա թեկնածությանը կողմ և դեմ չքվեարկեց ոչ մի պատգամավոր, ձեռնպահ էին պատգամավորներից 13–ը:
Քվեարկությունից անմիջապես հետո Փաշինյանն իր էջում գրեց. «Ազգային ժողովը արձակված է իրավունքի ուժով: Շնորհավորում եմ»։
Նիկոլ Փաշինյանը վարչապետի պաշտոնից հրաժարական էր տվել հոկտեմբերի 16-ին: Հրաժարականի նպատակը արտահերթ խորհրդարանական ընտրությունների հասնելն է: Եթե վարչապետի հրաժարականից հետո երկու շաբաթվա ընթացքում խորհրդարանը վարչապետ չի ընտրում, Ազգային ժողովն արձակվում է և նշանակվում են ԱԺ արտահերթ ընտրություններ: