Ոսկանյանը կարծում է, որ հայ–իրանական հարաբերությունների սպասողական դրությունը պայմանավորված է Հայաստանի, այսպես ասած, նախընտրական իրավիճակով և այն հանգամանքով, որ Իրանում սպասում են ԱՄՆ–ի պատժամիջոցների երկրորդ փուլին։
«Այս իմաստով ՀՀ վարչապետ Նիկոլ Փաշինյանի և Իրանի նախագահ Հասան Ռոհանիի հանդիպումից հետո որևէ նոր զարգացում տեղի չի ունեցել մեր պետությունների հարաբերություններում»,– ասաց նա։
Ինչ վերաբերում է տարածաշրջանային համատեքստին, ապա, ըստ Ոսկանյանի, զարգացումներ եղել են, մասնավորապես կապված ԱՄՆ–ի բարձրաստիճան պաշտոնյա Ջոն Բոլտոնի հայաստանյան այցելության հետ։