ԵՐԵՎԱՆ, 30 հոկտեմբերի — Sputnik. ՌԴ Անվտանգության դաշնային ծառայությունը (ԱԴԾ) Թաթարստանում բացահայտել է ահաբեկչական գաղտնի բջիջ, որի անդամները կապ ունեն «Իսլամական պետություն» (Ռուսաստանում արգելված) խմբավորման հետ և հրապարակել նրանց ձերբակալման տեսանյութը։
ԱԴԾ հասարակայնության հետ կապերի վարչության հրապարակած 2-րոպեանոց տեսանյութում երևում է, թե հատուկ նշանակության զորքերն ինչպես են բերման ենթարկում ծայրահեղականներին։
Խմբի անդամները մտադիր էին երկրում ահաբեկչությունների շարք իրականացնել, այնուհետև միանալ Սիրիայում գտնվող գրոհայիններին: Այդ նպատակով փորձել են համախոհների հավաքագրել։
Խմբի անդամներից մեկին ձերբակալել են այն պահին, երբ նա փորձել է զենք հանել Նաբերեժնիե Չելնիում գտնվող պահեստից: Միաժամանակ ձերբակալել են խմբի ևս վեց անդամի և 11 քաղաքացու, որոնք հայտնվել են նրանց ազդեցության տակ: Խուզարկության ընթացքում առգրավվել է հրազեն, զինամթերք, ծայրահեղական գրականություն:
ԱԴԾ-ի հաղորդագրության համաձայն` խմբավորման առաջնորդը նախկինում դատապարտված է եղել ԻՊ-ի գաղափարները քարոզելու համար: Օպերատիվ-հետախուզական միջոցառումներն ու քննչական գործողությունները շարունակվում են։