Հայերի հաղթարշավը. Սիմոնն ու Տաթևը Եվրոպայի երիտասարդական առաջնության չեմպիոններն են

ԵՐԵՎԱՆ, 27 հոկտեմբերի — Sputnik. Զամոսցում (Լեհաստան) ընթացող ծանրամարտի Եվրոպայի երիտասարդական առաջնությունում Սիմոն Մարտիրոսյանը ոսկե մեդալ նվաճեց: Այս մասին հայտնում է armsport.am-ը։

Մինչև 23 տարեկանների պայքարում գերծանր քաշային կարգում (+105 կգ) Սիմոն Մարտիրոսյանը դարձավ ոսկե մեդալակիր՝ երկամարտում գրանցելով 420 կգ արդյունք: Պոկում վարժությունում Սիմոնը բարձրացրեց 190 կգ, իսկ հրումում՝ 230 կգ:

Եվրոպայի երիտասարդական առաջնության արծաթե մեդալակիր է դարձել Վրաստանի ներկայացուցիչ Գիորգի Չխեիձեն՝ 408 կգ արդյունքով (183+225), իսկ լավագույն եռյակը եզրափակել է Վրաստանի մեկ այլ ներկայացուցիչ՝ Բակարի Տուրմանիձեն, ով գրանցել է 399 կգ արդյունք (183+217):

Այսօր մինչև 23 տարեկանների պայքարում ոսկե մեդալակիր դարձավ նաև 90 կգ քաշային Տաթև Հակոբյանը: Տաթևը երկամարտում գրանցեց 234 կգ արդյունքում՝ պոկում վարժությունում ցույց տալով 105 կգ արդյունք, հրումում՝ 129: