ԵՐԵՎԱՆ, 26 հոկտեմբերի — Sputnik. Հայաստանի ֆուտբոլի հավաքականի ավագ և անգլիական «Արսենալի» կիսապաշտպան Հենրիխ Մխիթարյանը հերթական անգամ ոգեշնչել է իր երկրպագուներին։ Այս անգամ առիթ է հանդիսացել լոնդոնյան ակումբի հաղթանակը, և նա նոր լուսանկար է հրապարակել Instagram-ում։
«Մեկ ցատկով։ Մենք միշտ հավատում էինք մեր ուժերին», — իր լուսանկարին կից գրել է Մխիթարյանը։
Մի քանի ժամվա ընթացքում ավելի քան 62 հազար մարդ սեղմել է «հավանել» կոճակը, ևս մի քանի հարյուրը մեկնաբանել են հայ ֆուտբոլիստի լուսանկարը։
«Առողջ եղիր, Հենրիխ, մեծ հաղթանակներ եմ մաղթում», «Դու բոլոր խաղաշրջաններում հիասքանչ ես, շարունակիր լավ աշխատել», «Հեքիաթային Միկի», «Միկի, դու միշտ շքեղ ես», «Չեմպիոն ջան», «Երևում է` ինչ երջանիկ է նա այս տարի, նա վերջ տվեց բարդ հարաբերություններին ու գեղեցիկ հարաբերություններ սկսեց», — գրել են բաժանորդները։
Հոկտեմբերի 25-ին լոնդոնյան «Արսենալը» 1:0 հաշվով հաղթել է Լիսաբոնի «Սպորտինգին» Եվրոպայի լիգայի խմբակային փուլի երրորդ շրջանում։ Սա «զինագործների» երրորդ անընդմեջ հաղթանակն էր Եվրոպայի Լիգայում ու 11-րդն էր բոլոր մրցաշարերում։