ԵՐԵՎԱՆ, 25 հոկտեմբերի – Sputnik. Ամենայն Հայոց կաթողիկոս Գարեգին Երկրորդը Վատիկանում հանդիպել է Հռոմի Սրբազան Քահանայապետ Ֆրանցիսկոս պապի հետ:
Այս մասին նշված է կաթողիկոսի ֆեյսբուքյան էջում, որտեղ հրապարակվել են նաև հանդիպման լուսանկարները։
«Հանդիպում մեր հոգևոր եղբոր՝ Հռոմի Սրբազան Քահանայապետ Ֆրանցիսկոս Պապի հետ»,- նշված է լուսանկարին կից գրառման մեջ։
Կաթողիկոսն ավելի վաղ Հռոմի հայկական Սուրբ Վլաս եկեղեցում հանդիպել էր Հռոմի հայ համայնքի ներկայացուցիչների հետ` պատգամելով զորեղ մնալ ազգային գիտակցության մեջ, իրենց սրտերում մշտավառ պահել Սուրբ Գրիգոր Լուսավորչի հավատո կանթեղի լույսը և նախանձախնդրությունը նախնյաց ժառանգության հանդեպ: