ԵՐԵՎԱՆ, 25 հոկտեմբերի — Sputnik. Դրամատիկական թատրոնի դերասանները սպասում են, որ իրենց գեղարվեստական ղեկավարը` ԽՍՀՄ ժողովրդական արտիստ Արմեն Ջիգարխանյանը, ուրբաթ ներկա կլինի պրեմիերայի կապակցությամբ կայանալիք մամուլի ասուլիսին։ Այս մասին հայտնում է ՌԻԱ Նովոստին։
Ավելի վաղ Ջիգարխանյանին հիվանդանոց էին տեղափոխել, բժիշկները նրա վիճակը գնահատել էին միջին ծանրության և խորհուրդ էին տվել կազդուրվելու համար մի քանի շաբաթ մնալ հիվանդանոցում։
Դերասանի ընկեր Արթուր Սողոմոնյանը հայտնել է, որ արտիստն ապաքինվում է, հնարավոր է` առաջիկա օրերին նրան դուրս գրեն հիվանդանոցից։
Նշենք, որ ուրբաթ թատրոնում տեղի կունենա «Մոլյեր» ներկայացման պրեմիերան Միխայիլ Բուլգակովի «Կաբալա Սվյատոշ» պիեսի հիման վրա։
Բեմադրությունը նվիրված է Ջիգարխանյանի ծննդյան օրվան։