ԵՐԵՎԱՆ, 23 հոկտեմբերի — Sputnik. ԵԱՏՄ-ի և Իրանի միջև Ազատ առևտրի գոտու մասին պայմանագիրը պետք է ուժի մեջ մտնի 2019 թվականի սկզբին, Sputnik Արմենիայի հարցին ի պատասխան ասաց ԵԱՏՀ առևտրի հարցերով Կոլեգիայի անդամ (նախարար) Վերոնիկա Նիկիշինան։
Նա հիշեցրեց, որ Իրանի հետ ԱԱԳ-ի մասին համաձայնագիրը ստորագրվել է մայիսին և ուժի մեջ կմտնի այն ժամանակ, երբ կավարտվի նրա վավերացումը ԵԱՏՄ-ի հինգ երկրներում։
«Բոլոր երկրներում այդ տեքստերը մտել են խորհրդարան։ Հույս ունենք, որ մինչև տարեվերջ բոլոր ընթացակարգերը կանցկացվեն։ Եվ հաջորդ տարվա սկզբին մենք կարող ենք ակնկալել, որ Իրանի հետ համաձայնագիրը լիարժեք ուժի մեջ կմտնի», — ասաց Նիկիշինան։
Sputnik Արմենիային հետաքրքրում էր նաև, թե ինչ արդյունք տվեց Վիետնամի հետ ԱԱԳ-ի մասին պայմանագրի ուժի մեջ մտնելը։
«Կարևորը ձեռքբերումն է` բիզնեսի վախերն ու մտավախությունները, երբ մենք ԱԱԳ-ի մասին համաձայնագիր էին ստորագրում, չարդարացան», — ասաց Նիկիշինան։
Նրա խոսքով` բիզնեսը վախենում էր, որ ԵԱՏՄ երկրները միակողմանի զիջումների կգնան, սակայն չեն կարողանա օգտվել առավելություններից։
Արդյունքում ԵԱՏՄ-ի և Վիետնամի միջև ապրանքաշրջանառությունն աճեց 35%-ով։ Աճեց բալանսավորված։ Միևնույն ժամանակ ԵԱՏՄ-ից արտահանումն աճեց 40%-ով, իսկ ներկրումը` 35%-ով։