ԵՐԵՎԱՆ, 22 հոկտեմբերի — Sputnik. Հայտնի դիմահարդար և ոճաբան Գոհար Ավետիսյանը ներկայացրել է Հելոուինի «պուպսիկ» կերպարի իր պատկերացումը։ Instagram-ի բաժանորդները, մեղմ ասած, շոկի մեջ են։
«Երբ Արիելը մեծացել է և դարձել սանձարձակ աղջիկ կամ երկրորդ տարբերակը․ եթե մուլտֆիլմերի հերոսները բուտիկից օգտվեին, նրանք այսպիսի տեսք կունենային», — լուսանկարին կից գրել է Գոհարը։
Նա գրել է, որ չի ցանկացել արյուն, սպիներ և սարսափներ ներկայացնել։ Դիմահարդարը խնդրել է գնահատել իր կերպարը։ Բաժանորդները, բնականաբար, չեն մերժել նրա խնդրանքը և շռայլորեն մեկնաբանել են լուսանկարը։ Ավելի քան երեք հազար մեկնաբանությունների շարքում կան նաև զվարճալի գրառումներ։
«Խեղճ Վահիկ։ Ամեն օր նոր կին։ Համբերություն քեզ, Վահիկ։ Իսկ մյուս կողմից ամենաերջանիկ տղամարդն եք, չէ՞ որ այսպիսի չքնաղ ու կենսուրախ կին ունեք», «սարսափելի գեղեցիկ է», «թու, ավելի զզվելի բան չեմ տեսել», «սանձարձակ Արիել, այսօր տոն կազմակերպիր Վահիկի համար», «Արիելին չգիտեմ, բայց Արիանա Գրանդեին շատ նման է», «շքեղ կերպարանափոխություն է Հելոուինի համար», «դուք այդ կերպարում նման եք Պուգաչովային», «հեքիաթային է», — գրել են օգտատերերը։
Գոհար Ավետիսյանը Ռուսաստանում ամենահայտնի բյութի-բլոգերն է։ Հիմա նա Instagram-ում ավելի քան հինգ միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։
Գոհարն ինքնուրույն է հասել հաջողության, նա ինքնուս դիմահարդար է: Այս ոլորտում առաջին փորձերը կատարել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:
Արդեն առաջին կուրսում սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը: 2012թ-ին սկսել է դասախոսել, դիմահարդարման վարպետության դասեր է անցկացրել, իսկ հիմա նա Մոսկվայի կենտրոնում սեփական դպրոց և ստուդիա ունի: