«Орел и Решка: Перезагрузка» հայտնի ռուսական հաղորդման հաղորդավարներ Նաստյա Իվլեևան ու Եվսեյ Կովալյովը Երևան էին եկել և հիանալի հաղորդում նկարահանել։
Բախտը ժպտաց Եվսեյին ու ոսկե քարտով մեծ գումարը բաժին ընկավ հենց նրան, սակայն դեռ հարց է՝ ով ավելի լավ հանգստացավ։
Թեև Նաստյան սահմանափակվում էր հարյուր դոլարով, բայց քաղաքում տաքսիով էր շրջում ու ապրում էր լողավազանով ու հարմարավետ հոսթելում։ Նա եղավ քաղաքի լավագույն ռեստորաններից մեկում, նստեց աթոռին, որի վրա վերջերս նստել էր Քիմ Քարդաշյան ու տնական օրի համտեսեց։
Շուկայում նա ստիպված չէր ոչինչ գնել․ վաճառողները նրան այծի պանիր, թթու ու չրեղեն նվիրեցին։ Իսկ Կոնդում հաղորդավարուհուն ցույց տվեցին հայկական ջերմություն ու հին տնակները, որոնք հիշեցրին նրան Ռիո դե Ժանեյրոն։
«Երեկոյան Երևանն ասես լուսավորվող մրջնաբույն լինի։ Մարդիկ այստեղ ջերմ են, մեծահոգի», — ասել է նա։
Իսկ Եվսեյը որոշել էր օգտվել ամենաթանկ բաներից։ Ի տարբերություն Նաստյայի նա քաղաք մտավ գելենդվագենով, նրան երաժիշտներ էին դիմավորում։ Նա իրեն ոչնչից չզրկեց ու Երևանի ամենաթանկ հյուրանոցում օրը չորս հազար դոլարանոց համար վերցրեց։