ԵՐԵՎԱՆ, 18 հոկտեմբերի — Sputnik. Հոկտեմբերի 17-ին, ժամը 21-ի սահմանում բախվել են Գյումրիից Երևան ընթացող բեռնատար գնացքը և BMW մակնիշի ավտոմեքենան։
Նախնական տվյալներով` BMW —ի վարորդը կորցրել է կառավարումը, դուրս եկել ճանապարհի երթևեկելի մասից, հայտնվել երկաթգծի վրա և շրջվել։
Գնացքը բախվել է մեքենային և մի քանի մետր իր հետ տարել այն։
Մեքենայում եղել է միայն վարորդը, որը հասցրել է անջատել մեքենան և դուրս գալ մինչև գնացքի հետ բախումը։ Նա չի տուժել։
Երկաթուղիների աշխատակիցները մեքենան դուրս են բերել ռելսերից:
Նշենք, որ Գյումրու Երևանյան խճուղում ասֆալտապատման աշխատանքներ են ընթանում։ Փողոցի մի մասը փակված է, և վարորդները երթևեկում են շրջանցիկ ճանապարհով։