ԵՐԵՎԱՆ, 17 հոկտեմբերի — Sputnik. Կերչի պոլիտեխնիկական ուսումնարանի ուսանող Վիկտորյան ՌԻԱ Նովոստիին պատմել է, որ պայթյունը հնչել է շենքի առաջին հարկում դասամիջոցի ժամանակ։
Մի քանի հոգի ասել են, որ քոլեջի շենքի մոտ օտար մարդ է եղել։ Այնուհետև ցուցմունքները տարբերվել են. ոմանք ասում են, որ նա ինչ-որ բան է նետել, մյուսները նշում են, որ նա ներս է մտել և ինչ-որ բան թողել։
Աղջիկն իր խմբի հետ գտնվել է ուսումնական հաստատության երկրորդ հարկում և դասամիջոցի ժամանակ շենքից շենք է գնացել։ Այդ պահին առաջին հարկում պայթյուն է հնչել։
«Մենք դուրս եկանք փողոց, և մի քանի րոպե հետո սկսվեցին պայթյունները։ Սկզբից առաջին հարկը, հետո երկրորդը։ Բոլորը սկսեցին ճչալ, և մենք փոխհրաձգության ձայն լսեցինք։ Ձայները մոտենում էին, սկսեցին կրակել ուսանողներին։ Մենք վազելով մտանք շենք, բայց այնտեղ աշխատեց հրդեհի ազդանշանը», – պատմել է Վիկտորյան։
Տեխնիկումի ուսանողները դուրս են վազել փողոց և շարժվել շենքի հակառակ ուղղությամբ, որտեղ տեղի է ունեցել արտակարգ պատահարը։ Շատերն անցել են ցանկապատի վրայով և այս ու այն կողմ վազել, ինչ-որ մեկը վազել է դեպի մոտակայքի լքված շենքը։
«Մենք սկսեցինք անցնել ցանկապատի վրայով։ Մի քանի վիրավոր աղջիկների տեսանք, մեզ մոտ վիրավորել էին մի տղայի։ Նա չէր կարողանում ինքնուրույն քայլել, չէր կարող ոտքը դնել գետնին։ Նրան անցկացրեցինք ցանկապատի վրայով։ Ուսանողների մի մասն անցել է ցանկապատի վրայով, մի մասը մտել է լքված շենքը, կոտրել շենքի ապակիները, պատուհաններից դուրս եկել և փախչել», – հավելեց աղջիկը։
Նշենք, որ նախնական տվյալով` պայթյունի հետևանքով մահացել են 18 մարդ, տուժել` մոտ 50-ը, մեծ մասը դեռահասներ են։
Քննության տվյալներով` Կերչի քոլեջում կրակ է բացել 18–ամյա ուսանող Վլադիսլավ Ռոսլյակովը։ Կասկածյալը քոլեջ է գնացել պատահարից առաջ և, դատելով տեսագրությունից, ձեռքում զենք է պահել։ Միաժամանակ նա քոլեջ է մտել մի հագուստով, իսկ հետո փոխվել է։
Հրաձիգի երկրորդ լուսանկարը, որն ահաբեկչություն է կազմակերպել Կերչում, արվել է քոլեջի տարածքում հարձակումից առաջ։