ԵՐԵՎԱՆ, 17 հոկտեմբերի — Sputnik. Լոռու մարզում 26-ամյա տղան տնակում հայտնաբերել է 78-ամյա հոր՝ պարանոցի, կրծքավանդակի շրջաններում բազմաթիվ ծակած-կտրած վերքերով դին։ Այս մասին հայտնում է shamshyan.com-ը` նշելով, որ դեպքը տեղի է ունեցել երեկ` հոկտեմբերի 16-ին։
Ժամը 21։10-ի սահմաններում Ոստիկանության Սպիտակի բաժին ահազանգ է ստացվել, որ Սպիտակ քաղաքի Վանաձորյան խճուղի թիվ 30 տնակում տղամարդու դի կա։
Ոստիկաններն ու քննիչները նշված տնակում հայտնաբերել են 78-ամյա Սերյոժա Պողոսյանի դին։
Դատաբժշկի նախնական եզրակացությամբ՝ պարանոցի, կրծքավանդակի շրջաններում կան բազմաթիվ ծակած-կտրած վերքեր։
Փաստի առթիվ Սպիտակի քննչական բաժնում հարուցվել է քրեական գործ։
Սպանվածին հայտնաբերել է որդին՝ 26-ամյա Տիգրան Պողոսյանը։