Այն, որ ես նոր Հայաստանի կողմնակից եմ, դեռևս արծարծվել է իմ ՝ փոխոստիկանապետի պաշտոնից հրաժարվելու տեքստում:
Այս մասին այսօր լրագրողների հետ զրույցում ասաց ՀՀ նախկին ոստիկանապետի նախկին տեղակալ, Սյունիքի նորանշանակ մարզպետ Հունան Պողոսյանը:
Նախկին իշխանություններին ծառայելու մասին հարցին Հունան Պողոսյանն արձագանքեց. «Ստրկամիտ մարդիկ են երևի, այդպես են մտածում։ Ծառայելով օրենքին` ծառայել եմ ժողովրդին։ Ութ տարի պաշտոնավարել եմ, ինձ կարճ դադար էր պետք, այդ դադարը եղավ, ինչից հետո մեծ սիրով ընդունել եմ այս առաջարկը»:
Հարցին, թե հեշտ է մարզ տեղափոխվելը, և որոնք են խնդիրները, Հունան Պողոսյանը պատասխանեց, որ խնդիրներ կան, պլաններ կան։ Կարևորը փոխվստահության մթնոլորտի ստեղծումն է, որ ժողովուրդը հասկանա, որ ինքն է իրավիճակի տերը: