ԵՐԵՎԱՆ, 13 հոկտեմբերի — Sputnik. «Սա լինելու է Հայաստանի ամենածավալուն համաներումը»։ Այս մասին այսօր լրագրողների հետ զրույցում նշեց ՀՀ արդարադատության նախարար Արտակ Զեյնալյանը։
5 հոկտեմբերի 2018, 09:29
Նրա խոսքով` դատապարտյալների համաներման նախագիծը հոկտեմբերի 23-ին կներկայացվի Ազգային ժողովի քննարկմանը:
«Սա լինելու է ամենածավալուն համաներումը: Մինչ Ազգային ժողով ներկայացնելը, քննարկումները փակ են լինելու»,- ասաց Զեյնալյանը:
Հիշեցնենք, որ հոկտեմբերի 4–ի նիստում ՀՀ կառավարությունն արդեն հավանություն է տվել համաներում հայտարարելու մասին նախագծին:
Վերջին անգամ Հայաստանում համաներում հայտարարվել է 2013 թվականին՝ Հայաստանի Հանրապետության անկախության 22-րդ տարեդարձի կապակցությամբ: