ԵՐԵՎԱՆ, 12 հոկտեմբերի — Sputnik. Երեկ ուշ երեկոյան խոշոր ավտովթար է տեղի ունեցել Երևանում: Բախվել են մարդատար ավտոմեքենան ու երթուղային «գազելը»:
Ինչպես հաղորդում է shamshyan.com կայքը, ժամը 22:00-ի սահմաններում Կորյուն-Աբովյան փողոցների խաչմերուկում բախվել են Volkswagen Touareg և թիվ 28 երթուղին սպասարկող «գազել» ավտոմեքենաները: Բախման հետևանքով Volkswagen Touareg-ը կողաշրջվել է: Վթարի հետևանքով 7 հոգի մարմնական վնասվածքներով տեղափոխվել են հիվանդանոց:
Վիրավորներից մի քանիսն ավտոմեքենաներից դուրս են բերել փրկարարներն ու ոստիկանները` քաղաքացիների օգնությամբ:
Ոստիկանությունը պարզում է վարորդների և վիրավորների ինքնությունը: