ԵՐԵՎԱՆ, 12 Հոկտեմբեր — Sputnik. Հայ-ռուսական զորախումբը կոչված չէ մասնակցելու Արցախում կատարվող գործողություններին: Լրագրողների հետ զրույցում ասել է Հայ-ռուսական միացյալ զորախմբի հրամանատար, գեներալ-մայոր Տիգրան Փարվանյանը:
«Բայց ագրեսիայի դեպքում մենք չենք կարող ասել, թե ինչ զարգացումներ կլինեն, ինչ գործողություններ կլինեն։ Կարող եմ ասել, որ զորախումբը պատրաստ է իր խնդիրը կատարելու։ Թե ինչպես կզարգանան իրադարձությունները, միայն ժամանակը ցույց կտա»,- ասել է հրամանատարը:
Այդուհանդերձ, Տիգրան Փարվանյանը չի բացառել, որ եթե նման կարիք զգացվի, միացյալ զորախումբը գործողություններին կմասնակցի և իր խնդիրը կատարի: