Գնել Սանոսյան
© Sputnik
Գեղարքունիքի մարզն ունի մարզի համաչափ զարգացման, արտագնա աշխատանքի ու բնապահպանական խնդիրներ։ Լրագրողների հետ զրույցում ասաց Գեղարքունիքի նորանշանակ մարզպետ, բնապահպանության նախկին փոխնախարար Գնել Սանոսյանը` հավաստիացնելով, որ փորձելու է լուծել բոլոր այդ խնդիրները։
«Գեղարքունիքի մարզում մի շատ դրական բան կա` արտագնա աշխատանքի մեկնողների առնվազն 90 տոկոսը վերադառնում է։ Այսինքն` աշխատանքի են գնում, իրենց աշխատած գումարները բերում են մարզ»,– ասաց մարզպետը` միաժամանակ նշելով, որ իրենց նպատակը տեղում աշխատատեղեր ստեղծելն ու արտագնա աշխատանքի մեկնողների թիվը նվազեցնելն է։
Գեղարքունիքի մարզպետը խոստանում է նաև, որ կադրային ջարդ չի անելու, բայց կադրային փոփոխություններ կլինեն։