Ֆրանկոֆոնիայի երկրների առաջնորդները հարգանքի տուրք մատուցեցին Ծիծեռնակաբերդում

Բարձրաստիճան հյուրերն առաջին հերթին գնացել են Ծիծեռնակաբերդ, որպեսզի հարգանքի տուրք մատուցեն Հայոց ցեղասպանության անմեղ զոհերին։
Sputnik

ԵՐԵՎԱՆ, 11 հոկտեմբերի – Sputnik. Ֆրանկոֆոնիայի երկրների առաջնորդները, ինչպես նաև կազմակերպության քարտուղար Միքայել Ժանը ծաղկեպսակ դրեցին Երևանում՝ Հայոց ցեղասպանության զոհերի հուշահամալիրում։

«Մենք կիսով չափ հայրենակից ենք». Էմանուել Մակրոն

Իրենց երկրների անունից հյուրերը հարգեցին անմեղ զոհերի հիշատակը։

Դրանից հետո պետությունների ղեկավարները կժամանեն Ֆրանկոֆոնիայի միջազգային կազմակերպության գագաթնաժողովի բացմանը, որը տեղի կունենա Երևանում հոկտեմբերի 11-ին և 12-ին։

Գագաթնաժողովին ներկա կլինեն Էմանուել Մակրոնը, Ջասթին Տրյուդոն, Շառլ Միշելը, այլ հյուրեր։

Գագաթնաժողովին կմասնակցեն 38 երկրների առաջնորդներ, այդ թվում՝ Ֆրանսիայի նախագահ Էմանուել Մակրոնը, Կանադայի և Բելգիայի վարչապետներ Ջասթին Տրյուդոն և Շառլ Միշելը, Լիբանանի նախագահ Միշել Աունը։ Գագաթնաժողովին մասնակցում են 84 պատվիրակություններ: