ԵՐԵՎԱՆ, 9 հոկտեմբերի — Sputnik. Սեպտեմբերի 23-ին կայացած Երևան քաղաքի ավագանու արտահերթ ընտրությունների ընթացքում և դրան հաջորդած օրերին արձանագրված 30 դեպքերով քրեական գործեր չեն հարուցվի։
ՀՀ Քննչական կոմիտեն հայտնում է, որ դրանց հարուցումը մերժվել է հանցակազմի ու հանցադեպի բացակայության հիմքերով։
Նախնական քննությունից հետո որոշում է կայացվել քրեական գործեր չհարուցել։
Նշենք, որ 30 դեպքերից 19-ը վերաբերել են մեկից ավելի անգամ քվեարկելու փորձ կատարելուն, 11-ը՝ քվեարկության գաղտնիությունը խախտելուն:
Հիշեցնենք` 2018թ.–ի սեպտեմբերի 23–ին կայացած Երևանի ավագանու արտահերթ ընտրությունների արդյունքներով «Իմ քայլը» կուսակցությունների դաշինքը ստացել է 57 մանդատ, «Բարգավաճ Հայաստան» կուսակցությունը՝ 5 մանդատ, «Լույս» կուսակցությունների դաշինքը՝ 3 մանդատ: