ԵՐԵՎԱՆ, 7 հոկտեմբեր — Sputnik. «Այս գործով պետք է զբաղվեն իրավապահ մարմինները, իսկ մենք պետք է սպասենք նրանց աշխատանքի արդյունքներին։
Ամեն դեպքում պետք չէ փորձել կապել տեղի ունեցածը մեր կուսակցության անվան հետ։ Հատկապես, որ երկու պատգամավորն էլ եղել են մեր խմբակցությունում, բայց ոչ կուսակցությունում», — Sputnik Արմենիայի հետ զրույցում ասաց Աժ «Ծառուկյան» խմբակցության քարտուղար Վահե Էնֆիաջյանը։
Հիշեցնենք՝ արձանագրվել է երկու նախկին պատգամավորների՝ Հարություն Ղարագյոզյանի ու Կարո Կարապետյանի մահը։
Երկուսն էլ նախորդ գումարման խորհրդարանում Գագիկ Ծառուկյանի «Բարգավաճ Հայաստան» խմբակցության պատգամավորներ էին։