Մելանյա Թրամփը նախագահ ամուսնուց «փախել է» Աֆրիկա, բայց այնտեղ էլ են նրան քննադատել

ԱՄՆ առաջին տիկին Մելանյա Թրամփի հագուկապը մի շարք հարցեր է ծնել։
Sputnik

ԵՐԵՎԱՆ, 6 հոկտեմբերի — Sputnik. ԱՄՆ նախագահ Դոնալդ Թրամփի կինը` Մելանյա Թրամփը, «եվրոպացի գաղութաբնակի» տեսքով է հայտնվել Աֆրիկայում։ Այս մասին անդադար գրում են ամերիկյան The Huffington Post-ը, The New York Times-ը և մի շարք այլ պարբերականներ։

Դոնալդ Թրամփի կինը ծննդյան օրը նվեր չի ստացել ամուսնուց

Նշված ԶԼՄ-ները գրեթե անտեսել են տիկնոջ ուղևորության նպատակը (բարեգործություն և սեփական կրթական ծրագրի առաջխաղացում) և կենտրոնացել են նրա արտաքինի վրա։

ԱՄՆ-ի առաջին տիկինը հստակ ընդգծված ոճ ունի։ Նրա բազմաթիվ երկրպագուներն ու անգամ նախանձողները մշտապես նշում են, որ Մելանյան կարողանում է իրեն ճիշտ պահել հանրության առաջ և հիանալի է հագնվում։ Բայց այս անգամ Թրամփի կնոջ հագուկապը շատ ավելի լուրջ քննարկման թեմա է դարձել։

Աֆրիկյան շրջագայության ընթացքում գեղեցկուհին հայտնվել է «եվրոպացի գաղութաբնակի» հագուստով` սպիտակ բլուզ, երկարաճիտ կոշիկներ և խցանե սաղավարտ։ Այդ կերպարը վեճեր չէր առաջացնի, եթե նման տեսքով ներկայանար մեկ ուրիշը։ Բայց քանի որ այս անգամ ճանապարհորդի դերում ԱՄՆ առաջին տիկինն է եղել, շատերը փորձել են ըստ այդ հագուստի եզրակացնել, թե Վաշինգտոնն ինչ վերաբերմունք ունի սևամորթների նկատմամբ։ Թրամփին չարախոսողները Մելանյայի տեսքը որակել են որպես «գաղութային կառավարման խորհրդանիշ»։

Առաջին տիկինն արդեն հասցրել է այցելել Գանա, Մալավի և Քենիա, այսօր մեկնում է Եգիպտոս, այնուհետև տուն` ԱՄՆ։