ԵՐԵՎԱՆ, 3 հոկտեմբերի — Sputnik. ԱԺ-ն այսօր առավոտյան չկարողացավ շարունակել քառօրյա նիստերի հերթական օրվա աշխատանքները` քվորում չլինելու պատճառով: Ժամը 10:00-ին 105 պատգամավորներից դահլիճում ներկա էր 40-ը:
ԱԺ նախագահ Արա Բաբլոյանը հայտարարեց, որ որոշ ժամանակ անց կկրկնեն գրանցումը, և պատգամավորներին հորդորեց այդ ընթացքում մնալ դահլիճում:
Քվորումի ապահովման համար անհրաժեշտ է 53 պատգամավորի ներկայություն, բայց, ինչպես նշեց ԱԺ նախագահ Արա Բաբլոյանը, այդ դեպքում վտանգի տակ կդրվեն քվեարկվող հարցերը: «Մենք կարող ենք 53 հոգով քվեարկել, բայց կարող ենք ուղղակի տապալել այն նախագծերը, որոնք ուզում ենք ընդունել»,- ասաց նա:
Խորհրդարանի նիստը սկսելուն կսպասեն մինչև 14:00–ը: