Կապանի բնակարաններից մեկում դիակ է հայտնաբերվել

ԵՐԵՎԱՆ, 2 հոկտեմբերի — Sputnik. Հոկտեմբերի 1-ին, ժամը 17:32-ին «911» ծառայությունն ահազանգ է ստացել, որ Սյունիքի մարզի Կապան քաղաքի Շահումյան փողոցի թիվ 19 շենքի 3-րդ հարկի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Փրկարարները բացել են բնակարանի դուռը և ներսում հայտնաբերել Ա. Բ.-ի (ծնված 1965 թ.) դին: