ԵՐԵՎԱՆ, 2 հոկտեմբերի — Sputnik. Հաշվի առնելով ներկայիս լարված եւ ջրբաժաններ գծելու մթնոլորտը, Դաշնակցությունը իր ներկայացուցիչներին հետ է կանչում ՀՀ կառավարությունից։ Այդ մասին «Երկիր Մեդիա»-ի լրագրողի հետ զրույցում հայտնել է ՀՅԴ Հայաստանի ԳՄ ներկայացուցիչ Արսեն Համբարձումյանը, հավելելով, որ ավելի ուշ Գերագույն մարմինը հանդես կգա հանգամանալից պարզաբանումներով ու հայտարարությամբ։
Հիշեցնենք, որ կառավարության կազմում ՀՅԴ-ն ուներ 4 ներկայացուցիչ՝ տնտեսական զարգացման և ներդրումների նախարար Արծվիկ Մինասյանը, գյուղատնտեսության նախարար Արթուր Խաչատրյանը, Գեղարքունիքի մարզպետ Իշխան Սաղաթելյանը և Արագածոտնի մարզպետ Աշոտ Սիմոնյանը:
Ավելի ուշ վարչապետ Նիկոլ Փաշինյանն ինքը Բաղրամյան փողոցում հավաքված մարդկանց առաջ ելույթի ժամանակ հայտարարեց, որ արձակում է ՀՅԴ նախարարներին և մարզպետներին: