Քիմ Քարդաշյանի ամուսնու ասածը կտրել են ամերիկյան հեռուստաընկերության եթերից. տեսանյութ

ԵՐԵՎԱՆ, 1 հոկտեմբերի — Sputnik. Ամերիկյան NBC հեռուստաընկերությունը եթերից կտրել է ռեփեր Քանյե Ուեսթի արտահայտությունները` Դոնալդ Թրամփին աջակցելու մասին։ Այդ մասին հաղորդում է ՌԻԱ Նովոստին։ Saturday Night Live-ի 44-րդ եթերաշրջանի կտրված դրվագը Twitter-ում հրապարակել է ամերիկացի պրոդյուսեր Մայք Դինը։

«Դուք տեսնում էիք, թե ինչպես էին նրանք ծիծաղում ինձ վրա։ Դուք լսում էիք, թե ինչպես էին նրանք բղավում ինձ վրա։ Նրանք ինձ հալածում էին կուլիսներում։ Ինչպե՞ս կարող է քեզ դուր գալ Թրամփը։ Նա ռասիստ է, ասում էին նրանք։ Եթե ինձ անհանգստացներ ռասիզմը, ես վաղուց հեռացած կլինեի Ամերիկայից», — ասում է Ուեսթը կտրված դրվագում։

Քիմ Քարդաշյանը հրապարակել է դուստրերի հուզիչ լուսանկարը

27 սեպտեմբերի 2018, 13:06

Ռեփերը կատարել է նաև ստեղծագործություններից մեկը` Make America Great Again («Կրկին հզորացնենք Ամերիկան») գրությամբ գլխարկով։ Դրանից հետո դահլիճում դժգոհության ձայներ են լսվել։

Հրապարակումից հետո Թրամփը Twitter-ում շնորհակալություն է հայտնել ռեփերին աջակցության համար։ Նախագահին զայրացրել է այն փաստը, որ հանդիսատեսը դժգոհ է ռեփերից նրա քաղաքական հայացքների պատճառով։

«Շատերի նման ես չեմ նայում SNL, այլևս ծիծաղելի չէ, ո՛չ տաղանդ կա, ո՛չ հմայք։ Դա ուղղակի դեմոկրատների քաղաքական գովազդ է։ Ասում են` Քանյե Ուեսթը, որը MAGA (Make America Great Again) գլխարկ է դրել շոուից հետո (չնայած նրան, որ «ոչ» են ասել), շատ լավ է եղել», — գրել է Թրամփը Twitter-ում։