Comedy Club-ի անդամները ցույց են տվել, թե ինչպիսին կարող էր լինել վարչապետ Նիկոլ Փաշինյանի և Ռուսաստանի նախագահ Վլադիմիր Պուտինի հանդիպումը Սևանում:
Հանդիսատեսին հիացրել է Հայաստանի վարչապետի և Դեմիս Կարիբիդիսի արտաքին նմանությունը: Հենց նա բեմ է բարձրացել, դահլիճը ծիծաղից պայթել է, իսկ առաջին արտահայտությունից հետո սկսվել է ծափահարությունների ալիքը:
Հանդիսատեսին հատկապես դուրս է եկել այն տեսարանը, երբ «Պուտինը» հարցնում է «Փաշինյանին», թե ինչու են նրա ինքնաթիռը Իրանի սահմանին իջեցրել: Փաշինյանը պատասխանում է. «Մեր երկիրը փոքր է, ամբողջ ինքնաթիռը չի տեղավորվում»:
Բուռն արձագանք է առաջացրել նաև այն դրվագը, երբ «Փաշինյանը» կոնյակ է առաջարկում «Պուտինին»:
— Ես ալկոհոլ չեմ խմում, — ասում է «Պուտինը»:
— Ես նույնպես: «Սա Արարատ զիրո է», — պատասխանում է «Փաշինյանը»:
Տեսանյութը մի քանի ժամում դիտել են ավելի քան 250 հազար անգամ։
Հիշեցնենք, որ սեպտեմբերի 15-16-ը Հայաստանում անցկացվել էր Comedy Club փառատոնը, որին մասնակցելու համար Երևան էին եկել Պավել Վոլյան, Գարիկ Մարտիրոսյանը, Գարիկ Խառլամովը, Տիմուր Բատրուտդինովը, Դեմիս Կարիբիդիսը, Անդրեյ Սկորոխոդինը, Միխայիլ Գալուստյանը, Ալեքսանդր Ռևան, Զուրաբ Մատուան, Անդրեյ Ավերինը, Մարինա Կրավեցը և ուրիշներ։ Փառատոնին մասնակցել է նաև լեգենդար դերասան Ժան-Կլոդ Վան Դամը: