Այսօր խորհրդանշական օր է, աշխարհում նշվում է տեղեկատվության ազատության միջազգային օրը։ Sputnik Արմենիայի հետ զրույցում ասել է «Ինֆորմացիայի ազատության կենտրոնի» ղեկավար Շուշան Դոյդոյանը։
«Կառավարության փոփոխությունից հետո մենք որոշակի բացասական տենդենց նկատեցինք այն կադրերի առումով, որոնք համալրեցին տեղեկատվության ու հասարակայնության հետ կապերի աշխատանքը։ Ճիշտ է` լավ աշխատելու էնտուզիազմ ու ցանկություն ունեին, բայց չկար գիտելիքը` ինչպես լավ աշխատել»,- ասաց նա` հավելելով, որ բացասական արդյունքի է հանգեցնում նաև օրենքների չիմացությունն ու փորձի բացակայությունը։
«Ինֆորմացիայի ազատության կենտրոնն» ամեն տարի այս օրը տեղեկատվության ազատության ամենամյա մրցանակաբաշխություն է իրականացնում, որի ընթացքում պետական գերատեսչությունները պարգևատրվում են ինչպես ամենաբաց ու թափանցիկ, այնպես էլ ամենափակ աշխատանքի համար։