ԵՐԵՎԱՆ, 28 սեպտեմբերի — Sputnik. Այսօր՝ սեպտեմբերի 28-ին, Կոտայքի մարզում տեղի ունեցած ավտովթարը մեկ մարդու կյանք է խլել։
Ինչպես դեպքի վայրից հայտնում է Sputnik Արմենիայի թղթակիցը, ժամը 08։50-ի սահմաններում Երևան-Սևան ավտոճանապարհի 20-րդ կմ հատվածում բախվել են Volkswagen Passat մակնիշի 20 ՕՏ 724 համարանիշի և Opel Zafira մակնիշի 35 CS 623 համարանիշի ավտոմեքենաները։ Վթարի հետևանքով 1 հոգի մահացել է, 2-ը`մարմնական վնասվածքներով տեղափոխվել են «Աբովյան» բժշկական կենտրոն։
Փաստի առթիվ քննչական բաժնում հարուցվել է քրեական գործ՝ ՀՀ քր.օր-ի 242 հոդվածի 2-րդ մասի հատկանիշներով։ Ոստիկանությունն ու քննչական բաժինը պարզում են վարորդների, մահացածի և վիրավորների ինքնությունը։