ԵՐԵՎԱՆ, 28 սեպտեմբերի — Sputnik. Փհենչհանում անցկացված օլիմպիական խաղերի չեմպիոն Ալինա Զագիտովան պարզապես փայլել է Nebelhorn Trophy 2018 հոբելյանական, 50-րդ մրցաշարում։
Նա այնքան անթերի է սահել, որ կարճ ծրագրերի ամբողջ պատմության մեջ արժանացել է ամենաբարձր միավորին (79,93)։
Էթերի Տուտբերիձեի սանը համաշխարհային նոր ռեկորդ է սահմանել ոչ միան կարճ, այլև ազատ ծրագրում։ Նա ստացել է 158,5 միավոր (ընդամենը` 238,43)։
Նրա հավերժ մրցակից Եվգենյա Մեդվեդևան ելույթ է ունեցել կանադական նույնանման մրցույթում և կարճ ծրագրում ստացել է 70,98 միավոր։ Սակայն պետք է նշել, որ Կանադայում և Եվրոպայում գնահատման տարբեր համակարգեր են գործում, և Մեդվեդևային շատ ավելի խիստ են գնահատել։