Ողբերգական դեպք «Սուրբ Գրիգոր Լուսավորիչ» հիվանդանոցում. կա զոհ

ԵՐԵՎԱՆ, 25 սեպտեմբերի — Sputnik. Երևանի «Սուրբ Գրիգոր Լուսավորիչ» բժշկական կենտրոնում ողբերգական դեպք է տեղի ունեցել։ Այս մասին հայտնում է Shamshyan.com կայքը։

Նախնական տեղեկություններով` պայթել է թթվածնային բալոնը, որի հետևանքով 1 մարդ մահացել է։ Կայքի տեղեկություններով` մահացածը հիվանդանոցի աշխատակից է։

Այլ տեղեկություններ այս պահին պատասխանատու կառույցները չեն հայտնում։

Sputnik Արմենիայի թղթակիցներն աշխատում են դեպքի վայրում։ Նոր տեղեկություններ ունենալու դեպքում, կհրապարակենք դրանք։