ԵՐԵՎԱՆ,25 սեպտեմբերի — Sputnik. ՀՀ վարչապետ Նիկոլ Փաշինյանը ՄԱԿ գերագույն ասամբլեայի 73-րդ նստաշրջանի ընդհանուր քննարկման բացման ժամանակ հանդիպել է Ավստրիայի կանցլեր Սեբաստիան Կուրցին։ Facebook սոցիալական ցանի իր էջում այս մասին գրել է վարչապետի մամուլի խոսնակ Արման Եղոյանը։
«Եվս մեկ անակնկալ հանդիպում, այս անգամ ՄԱԿ ԳԱ 73-րդ նստաշրջանի ընդհանուր քննարկման բացմանը։ Հայ-ավստրիական հարաբերությունները ամուր ձեռքերում են»,- գրել է նա և հրապարկելով Փաշինյանի ու Կուրցի հանդիպման լուսանկարները։
Նշենք, որ երեկ նմանատիպ հանդիպում էր եղել նաև Կանադայի վարչապետ Ջասթին Թրյուդոյի հետ։
Nice to see you PM @nikolpashinyan — looking forward to seeing you again at La Francophonie next month! https://t.co/Rhhzbs2d6I
— Justin Trudeau (@JustinTrudeau) 24 сентября 2018 г.
Հիշեցնենք, որ Փաշինյանը Նյու Յորք է մեկնել սեպտեմբերի 23-ին, ԱՄՆ–ից նա կմեկնի Տաջիկստան և Հայաստան կվերադառնա սեպտեմբերի 29-ին։