ԵՐԵՎԱՆ, 23 սեպտեմբերի — Sputnik. Առավոտյան 08:00-ից մինչև 20:00-ն քվեարկության ընթացքում ստացվել են 84 իրավախախտման վերաբերյալ տեղեկություններ:
Այս մասին տեղեկացրեց Ոոստիկանության պետի աշխատակազմի ղեկավար Մերուժան Հակոբյանը:
Նա նշեց, որ դրանցից ութ դեպք վերաբերում է ընտրողներին կաշառք տալուն, կաշառք ստանալուն, ընտրությունների ժամանակ ընտրողի ազատ կամքի իրականացման խոչընդոտելուն, երկու դեպք ընտրական իրավունքի իրականացման խոչընդոտելուն, մեկ դեպք մասնագիտական գործունեությանը խոչընդոտելուն, ինը դեպք մեկից ավելի անգամ կամ այլ անձի փոխարեն քվեարկելուն, երեքը՝ քվեարկության գաղտնիության խախտման, 19-ը՝ ընտրացուցակների անճշտությունների և 23-ը՝ տարբեր բնույթի արարքների: