ԵՐԵՎԱՆ, 22 սեպտեմբերի –Sputnik. Հայաստանում նկարահանված Comedy Club–ի փառատոնը քաղաքական սուր երգիծանքով զվարճացրել է հանդիսատեսին ։
Հայտնի շոուի գլխավոր աստղերից երկուսը` Դեմիս Կարիբիդիսն ու Միխայիլ Գալուստյանը կերպարանափոխվել էին և մարմնավորում էին ՀՀ վարչապետ Նիկոլ Փաշինյանին։
Երկու հումորիստների միջև վեճ սկսվեց այն բանից հետո, երբ Գալուստյանը ստացավ «Աշխարհի լավագույն կովկասցի երգիծաբան» մրցանակը։ Կարիբիդիսը դա անարդար համարեց։
Դահլիճի աջակցությունը ստանալով` նա դրեց «թավշյա հեղափոխությունը» խորհրդանշող գլխարկն ու սկսեց ակցենտով խոսել` նմանակելով ՀՀ կառավարության ղեկավարին։
Գալուստյանը «տակ չմնաց» և նույնպես հանեց «Դուխով» գրությամբ գլխարկը, որից հետո դահլիճն ուղղակի թնդաց։ Ծիծաղում էին բոլորը։ ՀՀ վարչապետին երկուսն էլ նման էին` մորուքով ու կոստյումով։