ԵՐԵՎԱՆ, 21 սեպտեմբերի — Sputnik. Հանրահայտ դերասանուհի և հեռուստահողարդավարուհի Նազենի Հովհաննիսյանը յուրահատուկ ձևով է շնորհավորել Հայաստանի Հանրապետության անկախության 27-ամյակը։
Նա լուսանկար է հրապարակել Instagarm սոցիալական ցանցի իր էջում, որին կից գրել է.
«Հայաստանը… երբ մեկի ձեռքը միշտ «ուսիդ» է, որ միայնակ չզգաս, որ պատեհ առիթին օգնի, կարեկցի կամ ուժ տա։ Երբեմն էլ կանգնեցնի ու սթափեցնի, որ սխալ չգործես կամ չմեծամտանաս։ Երբեմն էլ բռունցք է դառնում ու պարտադրում իր կամքը։ Ես սիրում եմ սիրող ու ամուր այդ ՁԵՌՔԸ, որ կոչվում է Հայաստանի Հանրապետություն։ Շնորհավոր տոնդ Հայերի ԵՐԿԻ՜Ր»։
Դերասանուհին շնորհավորել է Հայաստանի մշտարթուն պաշտպաններին՝ բոլոր զինվորականներին ու նրանց ընտանիքներին։
«Այսօր՝ ժամը 2-3- ը ժամադրում եմ բոլորին՝ տոնական տրամադրությամբ։ Հրապարակում՝ շատրվանների մոտ, ժպտառատ սելֆիների»,- գրել է նա։
Հովհաննիսյանն իր գրառման վերջում ավելացրել է, որ այսօր քաղաքը սիրո երգ է երգում։