ԵՐԵՎԱՆ, 19 սեպտեմբերի — Sputnik. Հայտնի հաղորդավարուհի Ելենա Լետուչայան երախտիքի խոսքերով գրառում է կատարել Հայաստանից մեկնելուց հետո։
Հիշեցնենք, որ Ելենան Երևան էր ժամանել Comedy Club–ի նկարահանումներին մասնակցելու համար։
«Երևանն ու նրա բնակիչներն ինձ գերել են։ Անհավանական գեղեցիկ, հյուրընկալ և համեղ», – Instagram–ի իր էջում գրել է հաղորդավարուհին։
Աղջիկը նաև շնորհակալություն է հայտնել Գարիկ Մարտիրոսյանին և Արթուր Ջանիբեկյանին Երևանի և նրա հյուրընկալ բնակիչների հետ ծանոթանալու հնարավորության համար։
«Չեմ կարող նկարագրել հույզերս, որ զգացի Երևան այցելելիս… Շնորհակալություն @comedyclubru–ին համերգի համար, որին լալիս էի ծիծաղից, միայն անչափ տաղանդավոր մարդիկ կարող են նման որակյալ կոնտենտ ստեղծել։ Առանձին ուզում եմ շնորհավորել Երևանին ու նրա բոլոր բնակիչներին քաղաքի 2800–ամյակի առիթով։ Թող ձեր քաղաքը բարգավաճի և բոլոր բնակիչները երջանիկ լինեն», – մաղթել է Լետուչայան հայ ժողովրդին։
Ավելի վաղ Լետուչայան խոստովանել էր, որ վաղուց էր ուզում այցելել Երևան, որի մասին մեծ հիացմունքով միշտ պատմում են ընկերները։
«Լեռներ, արև և Comedy Club։ Կարծում եմ, սա հիանալի համադրություն է սեպտեմբերյան հանգստյան օրերի համար։ Վերջապես իմ փոքրիկ երազանքը կիրականանա։ Արդեն պատկերացնում եմ, թե ինչպես եմ քայլելու քաղաքի գեղեցիկ փողոցներով, և իհարկե, համտեսելու տեղի խոհանոցը», – նշել է հեռուստաաստղը։
Լետուչայան ռուսական շոու բիզնեսի աստղեր Օլգա Բուզովայի, Գարիկ Մարտիրոսյանի, Միխայիլ Գալուստյանի, Գարիկ Խարլամովի, Պավել Վոլյայի և Ժան Կլոն Վան Դամի հետ եղավ Երևանում` Comedy club–ի հերթական թողարկումները նկարահանելու համար։