Անձրև, ամպրոպ և կարկուտ. օդի ջերմաստիճանն աստիճանաբար կնվազի. եղանակի տեսություն

ԵՐԵՎԱՆ, 17 սեպտեմբերի — Sputnik. Հայաստանի հյուսիսային շրջաններում սեպտեմբերի 17-ի երեկոյան ժամերին, 18-19-ը շրջանների զգալի մասում, 20-21-ն առավելապես արևելյան շրջաններում սպասվում է անձրև և ամպրոպ։ Այս մասին հայտնում է «Հիդրոմետ» ծառայությունը։

Ամպրոպի ժամանակ քամու ուժգնությունը կարող է հասնել 15-20 մ/վ-ի, առանձին հատվածներում հնարավոր է նաև կարկուտ:

«Օդի ջերմաստիճանը 16-19-ն աստիճանաբար կնվազի 3-5 աստիճանով»,- նշված է հաղորդագրության մեջ:

Երևանում սեպտեմբերի 17-ի երեկոյան ժամերին հնարավոր է ամպրոպ, անձրևի հավանականությունը փոքր է: 18-19-ի երեկոյան ժամերին քաղաքի առանձին հատվածներում սպասվում է կարճատև անձրև և ամպրոպ, 20-21-ը` առանց տեղումների եղանակ:

Այսօր` սեպտեմբերի 17-ին, մայրաքաղաքում ցերեկային ժամերին օդի ջերմաստիճանը կկազմի 30-32, գիշերային ժամերին` 14-16 աստիճան տաքություն։