ԵՐԵՎԱՆ, 17 սեպտեմբերի — Sputnik. Հայաստանի և Արցախի արտաքին գործերի նախարարների հանդիպումը մեկնարկել է արտաքին քաղաքական գերատեսչությունների ղեկավարների առանձնազրույցով։
Ինչպես տեղեկացնում են ՀՀ ԱԳՆ մամուլի ծառայությունից, Զոհրաբ Մնացականյանը և Մասիս Մայիլյանի հանդիպումը շարունակել են ընդլայնված կազմով՝ պատվիրակությունների մասնակցությամբ։
Զրուցակիցները գոհունակությամբ ընդգծել են երկկողմ հանդիպումների հաճախակի և առարկայական բնույթը, ինչը հնարավորություն է ընձեռնում մանրակրկիտ անդրադառնալ օրակարգային բազմաթիվ խնդիրների։
Հայաստանի և Արցախի արտաքին քաղաքական գերատեսչությունների ղեկավարները քննարկել են ԵԱՀԿ Մինսկի խմբի համանախագահության ձևաչափում Լեռնային Ղարաբաղի հիմնախնդրի խաղաղ հանգուցալուծման գործընթացին առնչվող մի շարք հարցեր։
Մասիս Մայիլյանը Զոհրաբ Մնացականյանին պարգևատրել է Արցախի արտաքին գործերի նախարարության հիմնադրման 25-ամյակին նվիրված հուշամեդալով: