ԵՐԵՎԱՆ, 16 սեպտեմբերի — Sputnik. Ռեալիթի շոուի ամերիկահայ աստղ Քիմ Քարդաշյանը՝ երեք երեխաների մայրը, վերջերս խոստովանել է, որ 10 ամսում ազատվել է 9 կիլոգրամից, ձեռք է բերել մկանների գայթակղիչ ռելիեֆ, բայց միաժամանակ երբեմն իրեն «երես է տալիս» բարձր կալորիականություն ունեցող ուտելիքով:
Քարդաշյանն իր Instagram-ում հրապարակում է լուսանկարներ, որոնցում նա հաճույքով ուտում է կեքսեր, հավի տապակած թևիկներ, ֆրի և շոկոլադ: Միաժամանակ Քարդաշյանը շարունակում է մարզվել օրական 2,5 ժամ, ընդ որում` առավոտյան ժամը 6-ին: Նա հայտնել է, որ հրաժարվել է շաքարից, տապակած և ալյուրով պատրաստված ուտելիքից և սկսել է հաշվել սպիտակուցի գրամները, բայց ամսական 2-3 անգամ շեղվում է սննդակարգից։ Հենց մարզումներն են օգնում նրան այրել կալորիաները:
Քարդաշյանն օգտակար նյութերի պակասը լրացնում է թարմ բանջարեղենի, ծովամթերքի և անյուղ մսի շնորհիվ: Նշենք, որ Քարդաշյանի անթերի կազմվածքը հաճախ է ստիպում, որ գործընկերներն ու քննադատները նյարդայնանան և նախանձեն: Նրան պարբերաբար փորձում են բռնացնել խորամանկությունների մեջ:
Ավելի վաղ ԶԼՄ-ները հայտարարել էին, որ բացահայտվել է Քիմի կատարյալ կազմվածքի գաղտնիքը. պապարացիները 37-ամյա աստղին լուսանկարել էին իրանը գրկող զգեստով, որի տակ իբր երևում էր ձգող ներքնազգեստը:
Նշվում էր, որ ոճի կուռք համարվող Քիմ Քարդաշյանը Լոս Անջելեսում կայացած What goes around comes around երեկույթին ներկայացել է հայտնի ամերիկյան բրենդի վարդագույն կարճ, գրկող շրջազգեստով։
Ինչպես հայտնի է, արտադրողները միշտ պնդում են, որ էլաստիկ ներքնազգեստները ձգում են մարմինը, հարթեցնում որովայնն ու քողարկում ավելորդ կիլոգրամները։ Այս միտումով նրանց հաջողվում է մեկ վարտիքը վաճառել 70 դոլարով։
Սակայն նշենք, որ Քիմ Քարդաշյանը հաճախ է նկարվում կիսամերկ` միայն էլաստիկ ներքնազգեստով, և երևում է, որ նրա կազմվածքը շատ լավ է պահպանված։