ԵՐԵՎԱՆ, 15 սեպտեմբերի — Sputnik. Օդերևութաբանների կանխատեսմամբ` սեպտեմբերի 15–ը Երևանի համար կարող է դառնալ սեպտեմբեր ամսվա ամենատաք օրը ողջ օդերևութաբանական պատմության ընթացքում։
Այս մասին ֆեյսբուքյան իր էջում գրել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։
«Եթե այսօր Երևանում մեր կանխատեսված +37 աստիճան տաքությունը արդարանա, ապա 2018թ սեպտեմբերի 15-ը կլինի ամենատաք օրը ողջ օդերևութաբանական պատմության ընթացքում: Մինչև այժմ սեպտեմբերի 15-ի ջերմաստիճանի ռեկորդը պատկանում է 1937 թվականին, +35.3 աստիճան»,–գրել է Սուրենյանը:
Հիշեցնենք, որ ՀՀ ԱԻՆ «Հիդրոմետ» ծառայության կանխատեսմամբ` այսօր` սեպտեմբերի 15–ին մայրաքաղաք Երևանում սպասվում է + 37 աստիճան տաքություն։ Երեկոյան ժամերին առկա է անձրևի հավանականություն։