Աշխարհի ամենահայտնի փառատոներից մեկը` ամերիկյան «Burning Man»-ն ամեն տարի անցկացվում է Բլեք Ռոք անապատում։ Խենթության և ուրախության ութօրյա մարաթոնը կազմակերվում է Նևադա նահանգում, որտեղ գտնվում է կազինոների ու զանազան մեղքերի քաղաք Լաս Վեգասը։
Դիջեյ Goldcap-ը, որի իսկական անունը ՊերՃ Սահակյան է, մասնակցել է փառատոնին ու պայթեցրել պարահրապարակը հայկական երգի էլեկտրոնային տարբերակով։
«Հանինա» հայկական ժողովրդական երգը գրավել է փառատոնի մասնակիցներին։ Շատերին քաջածանոթ է այս երաժշտությունը, քանի որ հաճախ է հնչում հայկական ավանդական տոնակատարությունների ժամանակ։
Փառատոնում ոչ մի սահմանափակում չկա, այն ամեն տարի տարբեր կարգախոսներ է ունենում։ 2018-ի կարգախոսը սա է. «Ես, ռոբոտ»։ Մեկ շաբաթով անապատում տեղադրվում են ժամանակակից արվեստի գործեր, իսկ փառատոնի մասնակիցները ներկայանում են տարբեր կերպարներով։
Ստեղծողներն ու մասնակիցները պնդում են, որ Burning Man-ը ոչ թե փառատոն է, այլ մշակութային գլոբալ շարժում, որը նաև իր սկզբունքներն ունի։