ԵՐԵՎԱՆ, 12 սեպտեմբերի — Sputnik. Հայտնի շոումեն Գարիկ Մարտիրոսյանի կինը` Ժաննա Լևինան, ամուսնու հետ լուսանկարվել է Երևանի Հանրապետության հրապարակում և լուսանկարը հրապարակել Instagram–ում։
«Երևան 2018», – լուսանկարը մակագրել է նա։
Գրառումն այնքան դուր է եկել բաժանորդներին, որ մի ժամում հավաքել է ավելի քան 7 հազար «հավանում»։
«Գալուստյանի հետ չստացվեց, վերադարձել է ամուսնու մոտ», – գրել է kr_mashel–ը։
Հավանաբար, այս օգտատիրոջը դուր է գալիս Լևինայի հումորը, ուստի ինքն էլ է որոշել փայլել սրամտությամբ։
Մարտիրոսյանը և նրա կինը տարաբնույթ կատակների ու խաղերի սիրահարներ են։ Նախօրեին Ժաննան Instagram–ում լուսանկար է հրապարակել Միխայիլ Գալուստյանի հետ։ Օգտատերերը բաց չեն թողել կատակելու առիթը։
«Կարմիր մոկասինները Երևանի բնակիչների և հյուրերի զգեստապահարանի անբաժան մասնիկն են», – գրել է verynia07 օգտատերը` ուշադրություն դարձնելով Մարտիրոսյանի կոշիկներին։
«Հաճելի է հենվել Մարտիրոսյանի ուսին։ Այդքան փափուկ և փափկամազ», – գրել է alexeiyad–ը։
Գարիկ Մարտիրոսյանը ռուսական շոու բիզնեսի ներկայացուցիչ է, երգիծաբան, հեռուստահաղորդավար, Comedy Club-ի գեղարվեստական ղեկավարն ու պրոդյուսերը։ 1993-2002 թթ. նա «Նոր հայեր» ՈւՀԱ-ի թիմի անդամներից է եղել։
Գարիկն իր ապագա կնոջ հետ ծանոթացել է 1997 թվականին Սոչիում ՈւՀԱ-ի փառատոնի ժամանակ: Նրանք սկսել են հանդիպել 1998 թվականին: Զույգը երկու երեխա ունի` դուստր և որդի: