ԵՐԵՎԱՆ, 12 սեպտեմբերի — Sputnik. Սեպտեմբերի 14-15-ին Իրաքի տարածքից սպասվում է արևադարձային տաք օդային հոսանքների ներթափանցում։ Facebook սոցիալական ցանցում այս մասին գրել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը
«Օդի ջերմաստիճանը այդ օրերին բոլոր մարզերում կբարձրանա 4-5 աստիճանով»,- նշել է նա։
Սուրենյանը հայտնել է, որ Արարատում, Արմավիրում, Սյունիքի հովիտներում և Երևանում ջերմաստիճանը կհասնի +36 աստիճանի։
Սուրենյանն ավելի վաղ հայտնել էր, որ այս տարի հրաշք սեպտեմբեր ենք ունենալու։