ԵՐԵՎԱՆ, 11 սեպտեմբերի — Sputnik. Ամերիկահայ հեռուստաաստղ, 37 տարեկան Քիմ Քարդաշյանը չի թաքցնում, որ թուլություն ունի սելֆիի նկատմամբ։ Նա 2015 թվականին նույնիսկ Selfish խորագրով գիրք է թողարկել, որը կազմված է բացառապես իր ու իր ընտանիքի անդամների լուսանկարներից։ Սակայն Cosmopolitan պարբերականը գրում է, որ նա ստիպված կլինի մոռանալ սիրելի զբաղմունքի մասին։
«Քարդաշյանների ընտանիքը» շոուի նոր թողարկման մեջ Քիմը խոստովանել է, որ վնասել է դաստակը։ Բժիշկներն արգելել են նրան լարել ձեռքն ու հեռախոս բռնել։
Սակայն Քարդաշյանը ելք է գտել ու դիմել է իր օգնական Պեքսիին։ Նա լուսանկարում է աստղին դիմացի խցիկով իր համար սովորական դիրքից, իսկ նա պարզապես ձեռքը դեպի սմարթֆոնն է պարզում։
Քարդաշյանների ընտանիքին դուր է եկել այդ գաղափարը, նրանք պատրաստ են անհրաժեշտության դեպքում օգնել Քիմին։
«Դա կօգնի նրան հանգիստ պահել ձեռքն ու միաժամանակ ակտիվ մնալ սոցցանցերում». — կարծում է Քիմի մայրը` Քրիս Ջենները։
Նշենք` Քիմ Քարդաշյանը սոցիալական ցանցերում ամենապահանջված ու ամենաակտիվ աստղերից է։ Նա մեծ քանակությամբ լուսանկարներ է հրապարակում։