ԵՐԵՎԱՆ, 8 սեպտեմբերի — Sputnik. Երեք տարեկան Ստեփան Կիրակոսյանը միացված է արհեստական շնչառության սարքին: Այս մասին Sputnik Արմենիայի թղթակցի հետ զրույցում հայտնեցին Թբիլիսիի «Նոր մանկական կլինիկա» բուժհաստատության վերականգնողական բաժանմունքից:
Երեխան այնտեղ է տեղափոխվել Դուշեթիի բժշկական կենտրոնից։ Հիշեցնենք, որ այսօր` սեպտեմբերի 8-ին, Վրաստանի Դուշեթի շրջանի Պասանաուրի գյուղի մոտ խոշոր վթար է տեղի ունեցել, որի հետևանքով հայեր են տուժել։
«Երեխայի վիճակը ծանր է: Նա հետազոտություն է անցնում», — Sputnik Արմենիային հայտնեցին բժշկական կենտրոնից:
Վրաստանում բախվել են բախվել են «MAN» մակնիշի բեռնատարը (վարորդը՝ Գոռ Խաչատուրյան, ծնված 1989 թ., ՀՀ քաղաքացի) և «Samara» մակնիշի (վարորդը՝ Ստեփան Կիրակոսյան, ծնված 1963 թ., ՌԴ քաղաքացի) ավտոմեքենան:
Կիրակոսյանը մահացել է, իսկ նրա ուղևորներին՝ 3 տարեկան Ստեփան Կիրակոսյանին, 29 տարեկան Սուսաննա Ավետիսյանին և 30 տարեկան Դավիթ Կիրակոսյանին (Ռուսաստանի քաղաքացիներ) տեղափոխել են բժշկական կենտրոն:
Ինչպես հայտնի դարձավ Sputnik Արմենիային, Դավիթ Կիրակոսյանը լրացուցիչ հետազոտություն է անցնում: